?

Log in

Previous Entry | Next Entry

Mitr

Mitr, tum aaye nahin..
maine saanjh tak intezaar kiya
phir jab andhera chhaya
chidiyon ne chehchahat thami
main bhi ghar ko laut chali

Pehle toh aisa na tha..
tum to der na karte the
dopahar ki neend chhod
sheeghra hi aa jate the
raah meri dekhte huye,
kitna samay beet jata tha
main bhi kitna thehraati thi
intezaar, khub karwati thi
par aaj aisa kya hua..
aaj aisa kyun hua
ke tum aye nahin

Kaise bataun main tumhein
Mitr kal kya hua
kal jaise ghar se nikla
mujhe khayal sa aaya
roz hi to khali haath aata hoon
baatoan ka jaal bunkar roz hi tumhein behlata hoon,
To aaj socha tumhare liye kuch phool laaoon
guldasta ek de kar hamare dosti ko
kuch aage tak badhaoon

Guldasta jaise hi liya
khubsurat khwabon sa mere dilodimag par chhaya
socha main ke jab tumhein ye phool doonga
tum kitni hairaan hogi, tum kitni hans padogi
main daur ke aane laga
hawaon pe sawar ho kar, bhaga bhaga
dhadka zor ye dil, jaagi umangein aur ummeed,
aaj in phoolon ke saath karunga tumhari deed!

Hona tha par ho na paya
main patthar se ja takraya
aage kya hua kuchh yaad nahin
Kya tum ruth gayi ho?
Bahut der ki maine? Isi liye aaj tumhara sath nahin?

Tags: